Спорт
Лесер: Апсурд што Кина ја доби организацијата на ЗОИ
Германскиот бијатлонец, освојувач на три олимписки медали, Ерик Лесер, по завршувањето на трката во нордиска комбинација, уште еднаш упати жестоки критики до Интернационалниот олимписки комитет (ИОК). Лесер продолжи да го критикува ИОК и претседателот Томас Бах, поради одлуката Кина да ја добие организацијата на Зимските олимписки игри.
„Сега ние спортистите плаќаме за она што ИОК не можеше да го контролира. Стоиме овде и се обидуваме да се оправдаме што учествуваме на Игри во држава која не ги почитува човековите права. Мораме да го критикуваме и она што го прави претседателот на ИОК, Томас Бах. Сите сме свесни каква е политичката ситуација во Кина, бројни спортисти предупредуваа пред Игрите, но ИОК тоа требаше да го разјасни многу порано“, рекол Лесер во интервју за минхенски „Меркур“, по возбудливата трка во нордиска комбинација, во која Германија остана без медал.
„Организацијата е перфектна, но тоа и го очекувавме. Критиките остануваат, и понатаму сметам дека е апсурд што Кина ја доби организацијата на ЗОИ“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.
Спорт
Димитријевиќ од следната сезона ќе игра во Евролигата
Три клуба од Евролигата покажале сериозен интерес за најдобриот македонски кошаркар, Ненад Димитирјевиќ.
Димитријевиќ неодамна ја доби наградата за МВП во регуларниот дел од сезоната, во ВТБ лигата. Сезоната ја заврши со просек од 19 поени, 6,6 асистенции, 3,6 скока и 1,3 украдени топки по натпревар.
Пред две недели турнските медуми објавија дека Фенербахче е сериозно заинтересиран за Димитријевиќ. Во неделата, се појави информацијата на „Република Болоња“ дека за Македонецот се интересираат најдобрите италијански тимови, Олимпија Милано и Виртус Болоња.
Извесно е дека Димитријевиќ следната сезона ќе го гледаме во Евролигата.